Komisioni i Disiplinës vendosi dënimin e Vllaznisë në përballjen ndaj Tiranës, atje ku situata doli nga kontrolli. I pritshëm ishte dënimi për tifozët, duke u vendosur që të luheshin katër ndeshje pa mbështetjen e spektatorëve.
Por kuqeblutë kanë treguar se pa ta nuk mund të fitojnë. E vetmja fitore e marrë deri tani ka ardhur ndaj Laçit në shtëpi, atje ku gjendeshin edhe tifozët. Drejtuesit e klubit e kanë paguar dënimin, për të pasur një stadium me brohorima dhe entuziazëm. Për këtë arsye duke nisur që nga ndeshje e ardhshme ndaj Skënderbeut, në Shkodër do të kemi edhe praninë e tifozëve. /Sport Ekspres/