Reali i Madridit ka marrë një humbje 2-0 përballë Liverpulit në Ligën e Kampionëve. Por Ançeloti është shfaqur optimist përpara gazetarëve. Trajneri i Realit të Madridit ka mbetur i kënaqur me skuadrën e tij, duke thënë se kjo është rruga në të cilën klubi spanjoll duhet të ecë. Ai është i bindur se Reali do të kualifikohet më tej dhe do të garojë për fitimin e trofeut si çdo vit tjetër.
“Për të qenë i sinqertë, mendoj se rezultati është i drejtë. Liverpuli e ka merituar të fitojë, sepse në këtë moment ka një dinamikë të mirë, janë të karikuar me intensitet. Ne i kemi përballuar mirë në pjesën e parë. I jemi qasur mirë (lojës), duke mbrojtur shumë mirë dhe duke u përpjekur për të kërkuar mundësinë përmes tranzicioneve. Kemi gabuar në disa vendime për pasimet e fundit, por kemi garuar dhe kemi luftuar der isa erdhi penalltia. Mendoj se ekipi ka garuar mirë. Besoj se duhet të vazhdojmë kështu. Kjo është rruga që duhet të ndjekë ekipi, është kthyer për të qenë konkurues. Do të kualifikohemi në fazën tjetër dhe do të garojmë si çdo vit. Keni për ta parë”, ka deklaruar Karlo Ançeloti./Sport Ekspres/