Të fitosh kampionatin dhe të festosh si mbret. Nëse quhesh Hulk dhe përfiton 5 milionë euro në sezon, nuk ka arsye përse të kursehesh. Festa mund dhe duhet të jetë e denjë për një titull.
Pasi triumfoi në Superligën kineze me skuadrën e tij, Shangai SIPG, sulmuesi vendosi ti bëjë vetes një dhuratë mjaft speciale: një avion privat, të personalizuar. Fotografitë e lojtarit brazilian ndodhen kudo në brendësi të avionit.
Nga imazhet te dera, e deri te posterat e mëdhenj në kabinë. Hulk, i cili realizoi 13 gola për ekipin e tij drejt rrugës së titullit nuk u mjaftua me kaq. Në krahun e majtë të avionit, ndodhet edhe autografi i sulmuesit.
