Kilian Mbape është kthyer në kryefjalën e ditës në futbollin francez dhe atë europian. Kapriçot e tij këtë sezon kanë marrë jehonë të madhe mediatike, ndërsa ditën e sotme është përfolur edhe për një dëshirë të tij për tu larguar nga klubi në merkaton e janarit. Shkak për pakënaqësinë e tij është bërë fakti se në sulmin e PSG-së nuk ka një lojtar “9”-sh, që të mund t’i krijojë atij më tepër hapësira në fushë.
Kjo ka shtyrë mediat të shkruajnë për pakënaqësinë e Mbapesë, që nuk po luan në pozicionin që dëshiron. Trajneri i parisienëve ka vendosur të tallet me mediat gjatë ndeshjes së sotme kundër Benfikës në Ligën e Kampionëve. Kamerat kanë kapur bllokun e tij të shënimeve, ku shkruhet: “Mbape preferon në të djathtë“. E shkruar pikërisht në faqen që është lënë të shfaqet për kamerat./Sport Ekspres/