Ançeloti ka dalë në konferencën për shtyp, atje ku është ngacmuar nga gazetarët edhe sa i përket Lionel Mesit. Trajneri i Realit e ka bërë të qartë se nuk do ta quajë asnjëherë argjentinasin si më të mirin në historinë e futbollit. “Nuk e di nëse Mesi është më i miri në historinë e futbollit.
Nuk është e drejtë për ta thënë këtë, çdo periudhë dhe epokë ka pasur lojtarë të mirë. Nga goja ime nuk do të dali kurrë fjala se Mesi është më i miri në histori. Unë stërvis çdo ditë një fitues të Topit të Artë dhe kam parë lojtarë si Cruyff dhe Maradonën”, tha Ançeloti. /Elio Hajdari-Sport Ekspres/