Adrion Pajaziti është pjesë e Fulham U-23 në Angli. Ne gjithmonë e kemi etiketuar si një prej talenteve më të mëdhenj që po del nga Shpresat. Statistikat e tij janë impresionuese me Kombëtaren, thuajse si të Armando Brojës.
Në një intervistë për programin “Koha Shtesë 3+” për “Sport Ekspres”, Pajaziti tregoi se është përballur në disa raste kundër Brojës. “Kam luajtur në disa ndeshje kundër Armando Brojës. Kemi luajtur me grupmoshat e vogla, Fulham-Chelsea. Më shumë fitonte Broja, por jo pak herë e kemi mundur edhe ne. Unë e kam si idhull, si rrugën që dua të ndjek për të arritur në Kombëtare dhe në ekip të parë, ashtu siç bëri Broja”, tha Pajaziti. /Sport Ekspres/