Nevil Dede është i ftuar në emisionin “Skaner” që transmetohet në “MCN TV”. Teksa ishte tema për të komentuar Partizanin, Dede shprehet se shumë futbollistë po gabojnë në mënyrë të përsëritur te kryeqytetasit dhe ky nuk mund të quhet më gabim individual.
“Ka edhe diçka te Partizani. Po i ndodh javë pas jave, po i gabojnë mbrojtësit e saj në qendër. Më vjen keq që i ndodh Dajës, por shiheni rreshtimin. Tani nuk mund të quhet më një gabim individual i një lojtari, aty ka diçka që nuk po shkon dhe kjo duket”, tha Dede. /Sport Ekspres/