Jo vetëm në kryeqytet, njerëzit do kalojnë natën në “Niko Dovana” pas alarmit të rremë

Nuk është vetëm stadiumi “Selman Stërmasi” që ka ndezur dritat për një alarm të rremë që mbërtheu Shqipërinë. Për të fituar disa klikime më tepër, disa media kanë shpërndarë një lajm se në orën 23:30 një tërmet i fuqishëm me magnitudë 6 ballë do të trondiste vendin tonë.

Kaq ka mjaftuar që të gjithë të dilnin nga shtëpitë e tyre. Shumë prej tyre kanë zgjedhur edhe stadiumin si vendin më të sigurtë për t’u strehuar. E njëjta situatë si te “Selman Stërmasi”, u paraqit edhe në “Niko Dovana”.

Atje janë ndezur dritat, por njëkohësisht janë ngritur edhe disa çadra nga njerëzit që pritet që të kalojnë natën aty. /Sport Ekspres/