Marash Kumbulla ka arritur të bëjë mirë këtë sezon me ekipin e Veronës, ku saktësia dhe loja e mirë në mbrojtje i ka sguruar edhe një vend në formacionin më të mirë të javës.
Ndërsa në ndeshjen e sotme ka gjetur edhe golin e parë në Itali kundër Sampdorias, gol me të cilin ka vendosur edhe rekord këtë sezon. Kështu, Kumbulla është mbrojtësi më i ri që ka arritur të shënojë në 5 kampionatet më të mira europiane për sezonin 2019/2020.
Gjithashtu është mbrojtësi i parë me ditëlindje pas 01/01/2000 që dërgon topin në rrjetë në Serie A. Një ditë fantastike kjo për futbollistin shqiptar, i ka gjetur sot akoma edhe më tepër arsye për të festuar golin ndaj Sampdorias. /Sport Ekspres/