Zllatan Ibrahimoviç ka uruar Italinë me një postim në rrjetin social Instagram, menjëherë pasi axurrët u shpallën kampion të Europës. Sulmuesi i Milanit e ka quajtur Italinë shtëpinë e tij të dytë, pasi lidhja e tij me Milanin është mjaft e fortë. “Jo keq të luash në Seria A. Urime shtëpia ime e dytë”- shkruhet në postimin e suedezit.
Kujtojmë që Ibra nuk arriti të ndihmojë skuadrën e tij në Euro 2020, pasi u dëmtua vetëm dy javë përpara fillimit të turnamentit. Suedia u eleminua në kohën shtesë nga Ukraina në fazën 1/8. /Elio Hajdari-Sport Ekspres/