Ernest Muçi ka arritur që më në fund të festojë golin e tij të parë me Legian e Varshavës, megjithëse këtë e ka bërë në një ndeshje miqësore. Kampionët e Polonisë kanë mposhtur me shifrat 3-2 skuadrën e Leçias së Gdanskut dhe protagonist në këtë takim ka qenë edhe talenti shqiptar.
Ish-sulmuesi i Tiranës është aktivuzuar me fillimin e pjesës së dytë, por vetëm pak kohë i ka mjaftuar për të tundur rrjetën. Në minutën e 51-të Muçi shënon golin e 3-të për skuadrën e tij, që do të rezultonte vendimtar në rezultatin final të takimit. Talenti shqiptar jep shkëndija pozitive në ekipin e Legias, me të cilët do të përpiqet të lërë gjurmë sezonin e ardhshëm./Halit Delibashi-Sport Ekspres/