Izmir Smajlaj ka fituar pafajësinë e tij. Atleti shqiptar ka dalë fitimtar në gjyqin e zhvilluar kundrejt Njësisë së Integritetit të Atletikës. Kjo e fundit e kishte akuzuar 30-vjeçarin për manipulim të rezultatit. Bëhet fjalë për rezultatin 8.16 metra të arritur gjatë një gare të zhvilluar në 8 maj të vitit 2021.
“Top Channel“ raporton se më në fund, sportisti shqiptar mund t’i rikthehet përsëri garave në disiplinën e kërcimit së gjati. Periudha 2-vjeçare e ndalesës ka marrë fund dhe tashmë Smajlaj mund të synojë të tjera medalje në karrierën e tij./Halit Delibashi-Sport Ekspres/