Ilir Shulku formos marrëveshjen me qeverinë, gati rindërtimi i 4 banesave me kontributin e FSHF-së

Sekretari i Përgjithshëm i FSHF-së, Ilir Shulku, është takuar ditën e sotme me ministrin Arben Ahmetaj, ku kanë firmosur marrëveshjen e bashkëpunimit, nga e cila do të ndërtohen 4 shtëpi të reja për familjet e prekura nga tërmeti shkatërrues i 26 nëntorit të vitit  të kaluar. Federata Shqiptare e Futbollit jep kontributin e vetë financiar për të ardhur në ndihmë të banorëve që kanë humbur banesat e tyre një vit më parë. Në fjalën e tij Ilir Shulku falenderon të gjithë federatat e huaja që kanë dhënë ndihmën e tyre në ngritjen e këtij fondi, lojtarët e Kombëtares, trajnerin Edi Reja si edhe stafin e FSHF-së.

“Jam shumë i lumtur që në emër të Federatës Shqiptare të Futbollit dhe të Presidentit Duka, firmosim sot këtë marrëveshje bashkëpunimi me Ministrin Ahmetaj për rindërtimin e disa shtëpive të dëmtuara nga tërmeti me donacione të FSHF-së. Kjo marrëveshje vjen në respekt të angazhimit të FSHF-së për t’u solidarizuar me familjet e prekura nga tërmeti i nëntorit të vitit të kaluar. Menjëherë pas tërmetit Federata e Futbollit nisi mbledhjen e fondeve për t’u ardhur në ndihmë familjeve të goditura nga kjo fatkeqësi natyrore. Thirrjes tonë për ndihmë iu përgjigjën menjëherë partnerët tanë, si Federata e Italisë, Federata e Islandës, Federata e Kosovës, Federata e San Marinos, Federata e Çekisë dhe Federata e Spanjës. Gjithashtu, iu përgjigjën kësaj thirrje përmes donacioneve edhe lojtarë të ekipit Kombëtar, trajneri Edi Reja, administrata e FSHF-së dhe donatorë të tjerë të jashtëm”, – tha Sekretari i Përgjithshëm i FSHF-së, duke shprehur besimin se me ndihmën e qeverisë, këto familje të hyjnë sa më shpejt në banesën e tyre të re.

“Dua t’i falënderoj në mënyrë të veçantë të gjitha këto federata, futbollistët Elseid Hysaj e Thomas Strakosha si edhe administratën për kontributin e tyre financiar. Falë fondeve të grumbulluara do të rindërtohen nga e para 4 shtëpi, më konkretisht 2 në zonën e Bubqit, 1 në Durrës dhe 1 në Shijak për t’i ardhur në ndihmë këtyre familjeve, që të rikthehen sa më parë në jetën normale. Me ndihmën e qeverisë ne shpresojmë që ky proces rindërtimi të nisë sa më shpejt, të mos ketë burokracira, që këto familje të hyjnë sa më parë në një banesë të re”, – theksoi Shulku.

Ndërsa, Ministri i Shtetit për Rindërtimin, Arben Ahmetaj, shprehu kënaqësinë nënshkrimi e kësaj marrëveshjeje dhe vlerësoi solidaritetin e treguar nga Federata Shqiptare e Futbollit me familjet e goditura nga kjo fatkeqësi natyrore.
“Sot nënshkruajmë një tjetër marrëveshje bashkëpunimi në kuadër të rindërtimit. Më vjen mirë që Federata Shqiptare e Futbollit iu bashkua këtij projekti madhor, që në një vit ka angazhuar mbi 25 vende të huaja donatore dhe një numër të madh sipërmarrjesh shqiptare, të cilat gjej rastin t’i falënderoj sot për solidaritetin e treguar që në ditën e parë pas tërmetit të vitit të kaluar. Federata Shqiptare e Futbollit do të financojë ndërtimin e katër banesave individuale në Bashkitë Durrës dhe Shijak. Donacioni sipas kësaj marrëveshjeje do t’i nënshtrohet të gjitha parashikimeve ligjore në fuqi për përjashtimet fiskale përkatëse në rastet e fatkeqësive natyrore në kuadër të rindërtimit. E falënderoj edhe një herë Federatën Shqiptare të Futbollit”, – tha Ahmetaj./Halit Delibashi-Sport Ekspres/

Leave a Reply

Your email address will not be published. Required fields are marked *

where can i buy doxycycline over the counter buy doxycycline online