I lodhur me Marash Kumbullën, Igli Tare vendos një bast të rrezikshëm me mbrojtësin nga Kina

0

Shumë javë negociata për të marrë Marash Kumbullën te Lacio nuk kanë dhënë rezultat për Igli Taren. Madje edhe fakti se i përkasin të njëjtës kombësi nuk i dha përparësi këtij transferimi, ndryshe nga Vedat Muriqi. Të paktën jo deri tani, ndërsa mbrojtësi i Shqipërisë kërkon me patjetër që të vesh fanellën zikaltër në sezonin e ardhshëm. I lodhur nga këto negocime, drejtori sportiv i Lacios është duke kërkuar një tjetër alternativë për mbrojtjen.

Madje duke qenë i gatshëm për të vendosur edhe një bast të rrezikshëm. Sipas asaj që raportojnë mediat italiane, Lacio do të marrë 23-vjeçarin Kim Min Jae. Ky i fundit luan me ekipin e Bejing Guoan në Kinë, atje ku niveli i futbollit nuk është në nivelet më të larta. Megjithatë kartoni i tij vlerësohet 15 milionë euro dhe mbi të gjitha basti është i rrezikshëm për koreano-jugori nuk ka luajtur kurrë në Europë dhe kjo do të ishte hera e parë për të nëse mbërrin te Lacio. /Sport Ekspres/

You might also like
Leave A Reply

Your email address will not be published.