Besart Ibrahimi është një nga emrat më të lakuar në Superiore. Futbollisti kishte interesimin e Partizanit prej disa kohësh, por vendosi si kusht kalimin në Europë. Vetëm nëse të kuqtë do të kalonin në Conference League mund të avanconin negociatat me këtë element. Tanimë që ekipi i Superiores u kualifikua në Europë, problemi do të jetë konkurrenca me Shkupin.
Këta të fundit fituan kampionatin në Maqedoninë e Veriut dhe do të jenë pjesë e kualifikueseve të Champions League. Infosport raporton se të dyja skuadrat i kanë vendosur rrogën prej 5.000 eurove Ibrahimit. Tani gjithçka mbetet në duart e lojtarit që të vendos për të ardhmen e tij. /Sport Ekspres/