Më 18 qershor Sinisha Mihajloviç firmoste për Sportingun e Lisbonës, duke u bërë trajner i ekipit luzitan, me një kontratë 3-vjeçare, me 2 milionë euro në sezon.
Një trajner problematik për një klub në kaos, dukej martesa ideale për ta bërë çorap fare punën.
Megjithatë, sot vjen lajmi i bujshëm: Mihajloviç mund të pushohet nga puna!
Lajmin e jep e përditshmja portugeze Record, që shkruan se tashmë është vetëm çështje orësh për zyrtarizimin, sepse klubi ka vendosur ta largojë serbin e prezantuar para pak ditësh.
Kontrata e Mihajloviçit kishte klauzola të ndryshme dhe klubi shpreson të përfitojë nga fakti që trajneri është benda periudhës 15-ditore ku parashikohet prishja e kontratës së punës. Një situatë e ndërlikuar, tipike për Sportingun.