Alvin Karaqi bën krenarë të gjithë shqiptarët me suksesin e arritur në Poloni. Sportisti në fjalë i jep Shqipërisë medaljen e parë të artë në Lojërat Europiane që po zhvillohen në Krakovë. Karaqi ka triumfuar në disiplinën karate kumite në peshën 84 kilogramë.
Një sukses i jashtëzakonshëm që është përjetuar së tepërmi prej tij. Alvin Karaqi nuk ka mundur t’i mbajë dot lotët në momentin kur gjendet në majën e podiumit, duke dëgjuar himnin kombëtar./Halit Delibashi-Sport Ekspres/