Partizani sjell risi në futbollin shqiptar. Kampionët e Shqipërisë e kalojnë merkaton në një tjetër nivel, pasi për herë të parë në historinë e futbollit tonë arrijnë të shesin trajnerin. Zekiç dhe Partizani kanë vendosur të ndajnë rrugët me njëri-tjetrin. Vendimi është marrë sot pas takimit mes trajnerit dhe presidentit Demi.
Por e veçanta këtë herë është se nga largimi i tij të kuqtë fitojnë 100 mijë euro. Mediat kroate bëjnë me dije se Osijeku ka vendosur të paguajë këtë shifër për të risjellë Zekiçin në krye të pankinës. Zyrtarizimi pritet të bëhet ditën e nesërme./Halit Delibashi-Sport Ekspres/