Ndryshime të mëdha kanë ardhur te Tirana brenda ditës së sotme. Kështu, është larguar përfundimisht trajneri Ardian Mema me zyrtarizimin e ardhur në ditën e sotme. Ndërkohë vendin e tij e ka marrë Julian Ahmataj.
Në reagimin e parë të dhënë për “Supersport”, presidenti Refik Halili është shprehur se kishtë dëshirën të mbyllte sezonin me një njeri të jashtëzakonshëm si Ardian Mema, por nuk mundi për shkak të mungesës së rezultateve.
“Keqardhje e madhe, sepse kisha dëshirë që ta mbyllja sezonin me një njeri shumë të mirë, si Ardian Mema, i jashtëzakonshëm, por, siç dihet në futboll vendosin rezultatet, që na detyrojnë të bëjmë ndryshime. Ahmataj e njeh shumë mirë Tiranën, pasi ka qenë pjesë e skuadrës në të kaluarën. Prandaj nuk jam nxituar për të gjetur një trajner jashtë Tiranës”, ka thënë Mema. /Sport Ekspres/