Ronaldo është kthyer në një temë diskutimi në emisionin “Botërori Katar 2022“ në “Ora TV“. Altin Sulçe ka vënë theksin te mosha e madhe e lojtarit, që pavarësisht karrierës së jashtëzakonshme që ka, duhet të pranojë rregullat e vetë natyrës.
“Është 37 vjeç. Ne duam të sfidojmë natyrën. 32 vjeç Zinedin Zidan tha: ‘Hej, unë po e lë futbollin. Nuk po më përgjigjet trupi’. 32, një ndër futbollistët më të mëdhenj. Ne nuk mund të heqim dot elementin moshë nga futbolli. Nuk mund të luash pafund. Futbolli është për të rinjtë, nuk është për të vjetrit. Hajde po marrim edhe Pelenë, po marrim edhe Ronaldon me Del Pieron, po i fusim të gjithë në fushë. Nuk bëhet. Mos na habisni tani, nuk luhet futbolli 40 vjeç“, ka thënë Altin Sulçe./Halit Delibashi-Sport Ekspres/