Rezart Rama është talenti i radhës që vendos në garë Shqipërinë me Greqinë për ta marrë në Kombëtare. Faktikisht ky futbollist është pjesë e kuqezinjëve, por në muajt e fundit u publikua në mediat helene se Rama mund t’i bashkohet Greqisë.
Ndërkohë mbrojtësi është dërguar nga Olimpiakosi te Nottingham Foresti, që kanë të njëjtin precedent. Bëhet fjalë për ekipin U-23, me Rezart Ramën që ka arritur të lërë gjurmë. “Sport Ekspres” mëson se për herë të parë futbollisti shqiptar do të ftohet në skuadrën e parë, për të qenë pjesë e kampionatit në “Championship”. Mbetet të shihet nëse do të ketë minuta në fushën e lojës sa i përket debutimi, por sërish mbetet një arritje e madhe për mbrojtësin 18-vjeçar. /Sport Ekspres/