Myrto Uzuni ishte blerja në momentet e fundit të merkatos së dimrit e Granadës. Sulmuesi shqiptar arriti të zërë menjëherë vendin e titullarit, duke u kthyer në një pjesë të rëndësishme të skuadrës. Klubi andaluzian shpërndan shpesh pjesë nga stërvitja e Myrto Uzunit, por këtë herë ka zgjedhur të ndajë me tifozët e saj edhe një kuriozitet.
Granada ka shpërndarë në faqen zyrtare në “Facebook“, ku tregon një pamje të qytetit të Beratit, njëkohësisht vendilindja e lojtarit të Kombëtares shqiptare. “Berat, vendlindja e Myrto Uzunit. Njihet si “qyteti i 1000 dritareve“, ai është pjesë e Trashëgimisë Botërore që nga viti 2008”, shkruhet në postimin e klubit të Granadës./Sport Ekspres/