Një sezon fantastik ishte ai i kaluari për Xhuliano Skukën. Pas golave të shumtë të shënuar me Partizanin, Kombëtarja ishte si “qershia mbi tortë” për të kompletuar të gjithë punën e tij. Tundja e rrjetës ndaj Armenisë duket se i ka dhënë krahë Skukës.
Tashmë lojtari i Partizanit po bën xhiron e mediave prestigjoze në Itali. Pak më parë është “Tuttomercatoweb” që shkruan se Verona po e sheh si mundësi reale transferimin e Skukës. Mbetet që të shihet sesi do të mbyllet kjo histori, por vëmendja për këtë sulmues është e madhe. /Elio Hajdari-Sport Ekspres/