Leçe ka barazuar në transfertë ndaj Milanit me shifrat 2-2. Pikërisht në momentin më të keq të kuqezinjëve, që pavarësisht ndërrimit të trajnerit, nuk arritën dot të bindnin tifozët as me Piolin.
Kur u duk se Milani kishte gjithçka në kontroll pas golit të Piatek, erdhi edhe predha e Calderonit nga distanca, që ishte e paevitueshme. Por si erdhi ai realizim? Calderoni ka qenë i sinqertë në deklaratën e tij për “Sky Sport”: “Vetëm mbylla sytë dhe e godita topin. Në fillim mendova se shkoi jashtë, nuk e pashë kur topi hyri në rrjetë”, ka thënë Calderoni. /Sport Ekspres/