Gjysmë miliardi për Vllazninë, e ardhmja sqarohet në prill

0

Vllaznia mund të marrë fryme e qetë për momentin. Në mbledhjen e fundit të vitit Këshilli Bashkiak ka miratuar projektbuxhetin afatmesëm 2018-2020, që parashikon edhe një fond prej 550 milionë lekësh të vjetra për skuadrën e futbollit për vitin e ardhshëm.

Për pasojë, futbollistët dhe pjesëtarë të stafit do të marrin rrogat e prapambetura të muajve të fundit dhe në këtë mënyrë qetësohen lojtarët, që kanë kohë që presin pa u ankuar.

Kryetarja e Bashkisë, Voltana Ademi, ka njoftuar se deri në fund të këtij sezoni Vllaznia do të jetë nën administrimin e Bashkisë, ndërsa procedurat për shitjen e aksioneve do të nisin në muajin prill. Kjo do të thotë që Valter Fushaj duhet të presë ende, edhe pse ka dalë hapur me kërkesën për të blerë aksionet.

You might also like
Leave A Reply

Your email address will not be published.