Ernest Gjoka është zyrtarisht trajneri i ri i Vllaznisë. Prezantimi do të bëhet pasditen e sotme, por ndërkohë trajneri kampion i sezonit të fundit me Kukësin nuk ka dashur të humbasë kohë me procedura, sepse ka dalë që paradite në stërvitje me skuadrën, në “Reshit Rusi”.
Gjatë prezantimit Gjoka do të lëshojë deklaratën e parë si “shkodran” dhe do të shpalosë objektivat, sidomos ato afatshkurtra, sepse Vllaznia është në një situatë të ndërlikuar dhe shorti i javëve të ardhshme është shumë delikat.