Në fund të ndeshjes Gjermani-Suedi, kur Toni Kros shënoi golin e fitores gjermane në shtesë, nisi një grindje masive në stolat e dy ekipeve. Pas ndeshjes Suedia u ankua se pjesëtarë të stafit gjerman i provokuan dhe pamjet filmike u dhanë të drejtë. Gjermania kërkoi falje për sjelljen e dy pjesëtarëve të stafit, Georg Behlau dhe Ulrih Voigt, ndërkohë që nuk u ndal aty, sepse i hoqi nga lista e delegacionit gjerman, duke i ndaluar të hynin në stadium.
Nuk ka mbaruar me kaq për dy provokatorët, që janë ndëshkuar edhe nga FIFA. 5000 franga zvicerane për “sjellje antisportive”, por edhe hetim për masa shtesë, që mund të çojnë te pezullimi dhe ndalimi i hyrjes në stadiume.