Skuadra e Kukësit ndryshoi trajnerin, pasi presidenti Safet Gjici shkarkoi austriakun Peter Pakult. Ky i fundit la drejtimin e verilindorëve pas ndeshjes së barazuar me ekipin e Valetës me rezultatin 0-0. Një takim që mund të humbej, pasi paraqitja e kuksianëve ishte skandaloze.
Safet Gjici ndërhyri duke shkarkuar trajnerin Peter Pakult dhe duke rikthyer në krye të Kukësit shkodranin Armando Cungu. Ky i fundit ka gjetur gjuhën e përbashkët me numrin një të klubit dhe do të marrë drejtimin e klubit që sot.
Afrimi i Cungut dhe largimi i Pakultit mund të ndikojë negativisht për lojtarët, pasi në kushtet kur takimi me Valetën është në prag, skuadra ka 2 ditë që nuk stërvitet. Sot duhet të zbresë me patjetër në fushë, përndryshe do të ishte shumë keq për skuadrën verilindore. Tekniku shkodran ka për detyrë të kalojë turin e parë eliminator kundër Valetës.
Me Cungun tani do fitoni Champions League, pa merak! Skuadra leshi! As turin e pare nuk kane bythe te kalojne!