Bajern Mynih U19 nuk ia del dot në transfertën me bashkëmoshatarët e Barcelonës. Këta të fundit kanë fituar me shifrat 2-0 në takimin e vlefshëm për Champions League Youth. Nga minuta e parë në këtë sfidë ka qenë edhe një futbollist shqiptar, Behar Neziri, i cili ka lënë skuadrën me 10 lojtarë në minutën e 51-të.
Fillimisht mesfushori me origjinë nga Kosova është ndëshkuar me karton të verdhë në minutën e 12, ndërsa pak pas nisjes së pjesës së dytë ndëshkohet sërish dhe detyrohet të lërë fushën. Rezultati në ato momente ishte 1-0 për Barcelonën, e cila më pas ka shfrytëzuar epërsinë numerike për të thelluar rezultatin./Halit Delibashi-Sport Ekspres/