Në Barcelonë kanë nisur fushatat për zgjedhjet presidenciale që do të mbahen më 24 janar të vitit të ardhshëm. Kandidati më kryesor për të fituar është Joan Laporta, i cili e ka provuar edhe më parë karriken e presidentit, duke i udhëhequr katalanasit drejt një epoke të lavdishme. Fushata e spanjollit nis nga Madridi, aty ku nuk mungon ironia për rivalët e përjetshëm.
Një imazh gjigant me fytyrën e tij është shpalosur në një ndërtesë që gjendet vetëm pak metra larg “Santiago Bernabeut”. Një gjest ironik ky që pranohet nga vetë Laporta, i cili tregon për “Diario Marca” se edhe Reali i Madridit dëshiron t’i shikojë sërish.
“Baneri është i këndshëm, sepse mendoj se edhe Reali i Madridit do të na shikojë përsëri. Kam pasur kujtime shumë të mira të përjetuara në Bernabeu. Nga fitorja 2-6, te duartrokitja nga Ronaldinjo, Ksavi…”, ka thënë Laporta./Halit Delibashi-Sport Ekspres/