Shpallja e gjendjes së jashtëzakonshme në Spanjë bëri që klubet të izolohen brenda shtëpive të tyre. Aspekti i parë që menduan drejtuesit e klubeve ishte ai ekonomik pasi tani më nuk mund të siguronin shitje biletash, fanellash, të drejta televizive apo reklamime të ndryshme në stadium. Në këto kushte të patën klubi i Barcelonës, dhe jo vetëm, u kërkuan fillimisht futbollistëve të pranonin një shkurtim rroge në ndihmë të klubit. Kërkesa u pranua parimisht nga katalanasit por askush nuk e mendoi se nga paga e tyre do të mbahej 70% e shumës. Kjo gjë u refuzua në mënyrë kategorike më pas nga vet futollistët.
Por sot drejtuesit e Barcelonës nuk kanë më kohë t’u luten lojtarëve dhe me një urdhër u kanë komunikuar atyre vendimet e marra nga klubi. Sipas asaj që raporton Mundo Deportivo, 70% e pagës së lojtarëve është automatikisht e mbajtur. Kjo shumë do të llogaritet që nga 14 marsi atëherë kur edhe u pezullua kampionati në Spanjë. Ndërkohë që njoftohet se mbajtja e pagës do të mbahet deri në ditën kur do të rinis sërshi kampionati. Ndryshe nga Man. City që deklaroi ndër të parët se pagat e futbollistëve nuk do të preken, disa klube e kanë kërkuar shpëtimin tek detyrimi financiar i lojtarëve./Sport Ekspres/
Përkthyer dhe përshtatur në shqip:
