Ka përfunduar ndërtimi i një tjetër stadiumi që do të presë Kupën e Botës, e cila do të mbahet në Katar në vitin 2022. Është FIFA që njofton diçka të tillë, ndërsa mësohet se inagurimi do të bëhet në Ditën Kombëtare të Katarit, që përkon 2 vite përpara finales së kompeticionit më madhor për Kombëtare, më 18 dhjetor.
Stadiumi “Al Rayyan“ ka një kapacitet prej 40 mijë vendesh dhe në të do të zhvillohen 7 ndeshje deri në fazën e 1/16-ve. Karakteristika më goditëse e stadiumit është një fasadë me shkëlqim, e përbërë nga modele që karakterizojnë aspekte të ndryshme të Katarit: rëndësia e familjes, bukuria e shkretëtirës, flora dhe fauna vendase dhe tregtia lokale dhe ndërkombëtare. Më pas vjen një element i pestë, një mburojë që bashkon të gjithë të tjerët, duke përfaqësuar forcën dhe unitetin që është veçanërisht i rëndësishëm për qytetin e Al Rayyan./Halit Delibashi-Sport Ekspres/
