Juventusi ka mbërritur në finalen e Kupës së Italisë, teksa eliminoi mbrëmjen e djeshme Interin. Takimi i parë në “San Siro“ përfundoi me fitoren 1-2 të bardhezinjve, ndërsa ndeshja e kthimit u mbyll me rrjeta të paprekura për të dyja ekipeve. Lojtarët e “zonjës së vjetër“ kanë shpërthyer në festë në dhomat e zhveshjes, momente të së cilës i kanë shpërndarë edhe në rrjete sociale.
Por kjo festë duket se ka kënaqur Mauro Ikardin. Ish-kapiteni i Interit nuk u nda në mënyrën e duhur me zikaltrit dhe shpesh herë ka gjetur rastin për t’i provokuar. Të njëjtën gjë ka bërë edhe pas eliminimit të mbrëmshëm, ku i ka dhënë një pëlqim fotos së festës së Juventusit, ekip me të cilin është përfolur disa herë për tu transferuar./Halit Delibashi-Sport Ekspres/
? #Icardi, like ai festeggiamenti social della #Juve dopo l'eliminazione dell'#Inter pic.twitter.com/eOQHa4jpY5
— TUTTOmercatoWEB (@TuttoMercatoWeb) February 10, 2021