Ditën e sotme do të luhet ndeshja e parë e çerekfinaleve, aty ku gjigandët e Francës, Paris Saint Germain do të përballet me “surprizën” e këtij kompeticioni, Atalantën. Skuadra franceze është favorite në letër, por italianët kanë treguar që asnjë skuadër nuk e ka të lehtë me ta.
PSG do të luajë pa tre lojtarët kryesorë të ekipit. Mbappe dhe Draxler do të jenë në stol, ndërsa Verrati nuk është grumbulluar për shkak se u dëmtua në stërvitje pas përplasjes me shokun e skuadrës. Nga ana tjetër tek Atalanta do të mungojë Iliçiç i cili ishte dhe protagonisti kryesor në përballjen me Valencian ku shënoi 4 gola brenda një ndeshje. çdo gjë normale për lojtarin e përfaqësues tonë, Gjimshiti i cili do ta nisë nga starti i takimit dhe mbetet nderi i Shqipërisë në “Champions League” /Elio Hajdari-Sport Ekspres/
