Flamurtari ka arritur që të fitojë me shifrat 2-1 kundër Elbasanit, në një ndeshje që cilësohej si një “finale”. Të gjithë i trembeshin një shkëputje të frikshme të Elbasanit të Dedes dhe mbylljes së kampionatit para kohe, megjithatë, nuk duket se do të ndodh kështu, të paktën jo deri tani.
Vlonjatët shënuan në minutën e 30 me Oliveiran dhe dyfishuan rezultatin me Dalanaj në të 52. Golin e vetëm për Elbasanin e realizoi Bobby në minutën e 90, Tani Flamurtari shkon në vendin e 3 me 15 pikë, një më pak se Elbasani i vendit të dytë dhe katër më pak se Bylisi kryesues. /Elio Hajdari-Sport Ekspres/