Gjatë ditës së sotme është mbajtur një mbledhje nga ana e Bashkisë së Vlorës ku është vendosur për shtyrjen e afatit të kontratës të shoqërisë së Flamurtarit. Pra, vlonjatët do të jenë në administrimin e Sinan Idrizit edhe për një vit tjetër.
Kjo pasi koha në fjalë konsiderohet si tranzitore dhe Flamurtari duhet të hedh hapat gjatë kësaj periudhe që të kalojë në privatizim. Sa i përket bordit të klubit, ky do të përbëhet nga ana e Sokol Kushtës, Robert Islamaj dhe Kreshnik Çipit. Në fjalën e tij Idrizi është shprehur se duhet të vazhdohet me hapat drejt privatizimit, por nga ana tjetër Bashkia duhet të hedh sytë edhe për investimin në infrastrukturë dhe për të ndihmuar akademitë. /Sport Ekspres/