Fitore në dëborë, Tërbuni i katërti!

0

Dëborë, spektakël dhe gola: Tërbuni është i katërti në grupin A të Kategorisë së Parë, sepse mundi sot 2-1 Besëlidhjen, në një ndeshje të prapambetur ku secila palë kërkonte 3 pikë të arta.

Tërbuni ka pasur një rritje të jashtëzakonshme kohët e fundit dhe duket se ka gjetur ritmin e duhur, ndaj kërkonte ta shfrytëzonte më së miri faktorin fushë, për të marrë fitoren e parë shtëpiake në kampionat.

Ndërkaq, Besëlidhja fitoi fundjavën e shkuar në Kavajë dhe me një sukses tjetër shtonte presionin mbi Kastriotin kryesues.

Triumfoi mes dëborës Tërbuni, që u përshtat më mirë me fushën dhe në minutat 71 e 79 goditi me Sead Hoxhajn dhe Saliajn. Barazimi i përkohshëm i Robert Milotit në minutën e 77-të zgjati fare pak dhe Besëlidhja pëson humbjen e tretë sezonale.

Me 14 pikë në 11 ndeshje, Tërbuni vijon fluturimin dhe të shtunën pret Besën plot halle, ndërsa Besëlidhja do të kërkojë autokritikë në Lezhë ndaj Erzenit.

You might also like
Leave A Reply

Your email address will not be published.