Partizani ka marrë një fitore të madhe në ditën e sotme kundër Bylisit. Ekipi i drejtuar nga Oltijon Kërnaja ka fituar mes emocioneve në minutat e fundit. Dy raste të pastra dhe arta të shpërdoruara në fillim nga të kuqtë përpara se Fokam të shënonte golin e parë për Bylisin.
Kur dukej se një periudhë e vështirë do të niste te Partizani, kryeqytetasit u kundërpërgjigjën. Toma në minutën e 81 zhbëri gabimin e pjesës së parë duke gjetur golin e barazimit. Ndërkohë në minutën e parë të shtesës, Hjumen, realizoi golin për 1-2.
Nga krahu tjetër Vllaznia vazhdon me magjinë e fitoreve radhazi në saj të magjisë së Sherif Kallakut. Një goditje e bukur nga distanca ka mjaftuar që shkodranët të fitojnë kundër Vorës në shifrat 1-0. Kështu Vllaznia vazhdon shkëputjen në kreun e renditjes, duke e bërë akoma më të bukur këtë kampionat. /Sport Ekspres/