Gjatë gjithë kësaj kohe, mbi deputetin e PS-së, Bashkim Fino, që ka shpallur zyrtarisht kandidaturën për president i FSHF-së, në zgjedhjet e Asamblesë së Përgjithshme të datës 7 shkurt, është thënë e stërthënë se për të kandiduar si president i federatës, duhet të heqë dorë nga mandati. Por, vetë Bashkim Fino, i ftuar në RTSH, ka hedhur poshtë gjithçka, teksa ka thënë se ka studiuar statutin e FSHF-së dhe njeh ligjin: “Nëse do ishte me ligj, do respektoja ligjin, do jepja dorëheqjen nga politika dhe do kandidoja. Do të kandidoja dhe kush të fitonte sipas platformës, do të vazhdonte. Por, nuk heq dorë nga mandati, sepse asgjë s’ma ndalon deri tani”.