Serxho Porrini ka dhënë mendimin e tij për Kristjan Asllanin në “Radio Goal“ në “Kiss Kiss Napoli“. Krahu i djathtë i Rejës në Kombëtaren kuqezi ka vlerësuar cilësitë e mesfushorit shqiptar, për të cilin shprehet se ka treguar personalitet të madh. Megjithatë, Porrini e sheh me dyshim kalimin e tij në një klub të madh me vetëm 6 muaj paraqitje në një nivel të lartë.
“Asllani sigurisht tregoi vlera të mëdha dhe një personalitet të madh te Empoli. Ai është një lojtar me perspektivë të madhe, tregoi se ishte një mesfushor modern dhe fleksibël. Në disa momente luajti edhe në rolin e mesfushorit sulmues. Nuk jam i befasuar që skuadrat e famshme po e kërkojnë, por vetëm 6 muaj të luajtur në nivele të larta duket pak për ta parë atë të zbarkojë tashmë në një klub të madh”, është shprehur Serxho Porrini./Halit Delibashi-Sport Ekspres/