Emocionet e derbit të kryeqytetit po afrohen, atje ku Tirana dhe Partizani do të përballen për javën e gjashtë të Superiores. Më parë është folur për një dyshim të Idriz Bathës, se mund të mungonte në përballjen ndaj Partizanit.
Por tashmë nuk ka më dyshime për gatishmërinë e ish-lojtarit të të kuqëve, që tashmë do të jetë pjesë e ekipit të Memës. Batha do të jetë pjesë e derbit, megjithëse mbetet në dorën e trajnerit nëse do të zgjedh aktivizimin e tij si titullar, apo do të surprizojë me zgjedhjet e tij. Tirana ka një mbyllje hermetike në prag të derbit, prandaj është shumë e vështirë që të zbulosh për formacionin. /Sport Ekspres/