Në “Elbasan Arena” duhet edhe më shumë se një orë që të nisë ndeshja mes Skënderbeut e Partizanit të Beogradit, por radhët në sportelet hyrëse janë shumë të gjata.
Kontrollet e rrepta kanë bërë që hyrja të kryhet me ritëm mjaft të ngadaltë, aq sa mund të mbeten shumë njerëz jashtë pa nisur ndeshja.
Ndërkaq, ka shumë njerëz edhe te biletaria e stadiumit. Edhe pse ka ditë që kanë dalë në shitje biletat, shumë njerëz po i blejnë në Elbasan dhe e kanë lënë për në orët para ndeshjes.
