Klaus Gjasula do të lihej në stol si rrallëherë te Paderborni, në ndeshjen që këta të fundit zhvilluan ndaj Schalkes. Trajneri e kishte paralajmëruar më herët se mesfushori shqiptar nuk e kishte më vendin e sigurt në formacion, pasi të tjerët ishin duke e bërë punën mirë. Kjo pasi lojtari kuqezi ka vlera të padiskutueshme te Paderborni, por ndëshkimi i shpeshtë me kartonin e verdhë, shihet si një penalizim për ekipin nga ana e trajnerit.
Gjithsesi Gjasula do të ishte disi me fat, pasi u aktivizua në minutën e 11 të takimit, pas një dëmtimi të një prej shokëve të tij të skuadrës. E për të mbërritur te goli në fundin e takimit që vendosi barazimin 1-1, atje ku lojtari shqiptar e ka shkundur rrjetën me kokë. Në një prononcim për “Sport Ekspres”, është kapur edhe pjesa e suksesit të shqiptarëve në Europë.
“Situata e fundit? Unë kam qenë i zemëruar, në futboll ndodhin gjërat kaq shpejt. Pikërisht për këtë arsye jam gëzuar shumë. Më erdhi mundësia për të kapur vendin brenda fare pak kohësh. Trajneri më tha pas ndeshjes: “E tregove veten sa i rëndësishëm je për Paderbornin.
Manaj te Barcelona dhe super Kumbulla te Verona? Tani është kënaqësi kur dëgjoj dhe shoh që u ecin mirë punët shokëve të Kombëtares. Të gjithë e dinë se do të jetë shumë e vështirë në Botëror, por duhet të shohim edhe fatin që kemi me grupin. GJithsesi, e besoj se gjithmonë është një shans”, tha Gjasula. /Sport Ekspres/