Florian Kamberi i dha fund aventurës së tij te skuadra e Hibernian. Sulmuesi kuqezi sapo përfundoi takimin me drejtuesit e klubit skocez, ku “Sport Ekspres” mëson se Kamberi ka kërkuar largimin e tij nga skuadra e Hibernian.
Këta të fundit nuk kishin ndërmend të hiqnin dorë nga shërbimet e futbollistit shqiptar, por ka qenë vetë prurja më e re e Kombëtares sonë që kërkoi largimin. Pas disa orësh bisedimesh Hibernian ka vendosur t’i japë dritën jeshile dhe të lejojë kështu transferimin e tij në një tjetër ekip në këto limite të merkatos. Në këtë mënyrë Florian Kamberi do të mund të vihet nën urdhërat e Steven Gerard në një nga gjigantët e futbollit skocez, Rangers./Sport Ekspres/