Teksa kemi folur për të gjithë sulmuesit e Shqipërisë, disi në harresë është lënë Florian Kamberi. Por prurja e re e Shqipërisë dhe Rejës është gati për një lëvizje që i sjell shumë përparësi në karrierë.
Nga ekipi i Hibernianit do të kalojë te Rangersi, në huazim me të drejtë blerje. “Sport Ekspres” siguron informacionin se marrëveshja sipas të gjitha gjasave do të mbyllet brenda tre orëve të ardhshme.
Rangersi po lufton me Celtic për titullin në Skoci, në një kampionat të ndezur. Steven Gerrard e ka kërkuar me ngulm Kamberin dhe mund ta quajë tani një futbollist të Rangersit. /Sport Ekspres/