Ardian Ismajli solli jo pak shqetësim në ndeshjen kundër Interit. Mbrojtësi shqiptar shfaqi një nivel të jashtëzakonshëm përballë zikaltërve, por u largua nga fusha në minutën e 51-të pas një lëndimi që ndjeu. Megjithatë, nuk ka asgjë për t’u shqetësuar.
“Sport Ekspres” mëson se Ardian Ismajli do të jetë i gatshëm për Shqipërinë në ndeshjen e radhës. Nuk kemi të bëjmë me asgjë serioze për mbrojtësin shqiptar. Futbollisti i Empolit u largua përpara kohe kundër Interit në mënyrë që të mos rrezikonte për ndeshjen e 12 tetorit të Kombëtares kuqezi./Halit Delibashi-Sport Ekspres/