Partizani si asnjëherë këtë sezon është më skuadër të plotë, të paktën në stërvitje, sepse ka ende lojtarë që nuk janë gati të luajnë. Ekipi i drejtuar nga Klevis Dalipi u ka dhënë fund sot përgatitjeve në prag të përballjes ndaj Luftëtarit, në program nesër, ora 17:00.
Në përgatitjet e sotme me skuadrën është bashkuar edhe mesfushori Bruno Telushi, i cili ka nisur përgatitjen atletike pas fazës së riaftësimit. Vlonjati ka disa javë i dëmtuar, aq sa u desh të operohej, por gjithçka ka shkuar mbarë dhe që sot ka nisur stërvitjen.