Çepele ishte befasia më e madhe e trajnerit Reja në përballjen e djeshme që Shqipëria zhvilloi kundër Kosovës. Debutimi i 17-vjeçarit në Kombëtaren A ishte një bast i rrezikshëm që trajneri italian e fitoi, pasi mbrojtësi i talentuar nuk kishte luajtur kurrë më parë në “futbollin e burrave”.
Më parë me të rinjtë e Interit dhe tani me të Hanoverit, Cepele tregoi personalitetin dhe sigurinë e një mbrojtësi që do të bëhet i madh. Ndërkohë më herët ka përfaqësuar ngjyrat e Italisë, me Rejën që e tundoi jo pak duke i dërguar ftesën e Shqipërisë A. Vetë lojtari ka shkruar në rrjetet sociale për këtë debutim në ngjyrat kuqezi duke u shprehur se kjo ka qënë ëndrra e tij më e madhe. /Sport Ekspres/