Eliminimit befasues të mbrëmjes së djeshme të Manchester City-t nuk i janë gëzuar vetë tifozët e Lyon-it dhe ata francezë. Me sa duket ajo humbje ka kënaqur edhe tifozët e Liverpool, që vitet e fundit kanë pasur një konkurencë të pastër me “qytetarët”. Mbështetësit e “the reds” kanë vërshuar në llogarinë e Bernardo Silvas në rrjetet sociale, duke i kujtuar atë eliminim të dhimbshëm.
Kjo ka bërë që vetë futbollisti të reagojë ditën e sotme. Në një postim në “Twitter”, Silva i quan patetikë tifozët e Liverpool, të cilët i fton të meren me gjëra të tjera, pasi ka shumë opsione për të kaluar kohën.
“Për të gjithë tifozët e Liverpool-it që nuk kanë asgjë tjetër për të bërë dhe pastaj vijnë në llogarinë e një lojtari të Manchester City. Më vjen keq për ju, por për arsyet e gabuara… Patetikë. Shkoni festoni titujt e tu, ose përpiquni të gjeni ndonjë të dashur, pini ndonjë birrë me miqtë, lexoni një libër. Ka kaq shumë opsione”, shkruan Bernardo Silva./Halit Delibashi-Sport Ekspres/
And to all Liverpool fans that have nothing else to do than to come to a Man City player account, I’m also sorry for you but for the wrong reasons…? pathetic… go celebrate your titles, or try to find a partner, drink a beer with a friend, read a book…????? so many options!?
— Bernardo Silva (@BernardoCSilva) August 16, 2020