Conor McGregor humbi ndeshjen e tretë ndaj Dustin Poirier, ku gjithashtu fatkeqësisht dëmtoi kyçin e këmbës dhe iu nënshtrua një operacioni. Si pasojë e këtij dëmtimi, irlandezi do të jetë jashtë kafazit për më shumë se 1 vit. Rivali i tij Khabib Nurmagomedov reagoi në “Twitter” duke shkruar një postim me këtë titull: “E mira e mund gjithmonë të keqen. Përgëzime Dustin Poirier, shpresoj të fitosh titullin në dhjetor”.
Vetëm pas 1 jave ka ardhur reagimi i Conor McGregor, i cili kaloi të gjitha kufijtë e normales me përjigjen e tij. 33 vjeçari i përmendi rivalit babain e vdekur në korrik të vitit të kaluar si pasojë e COVID-19. “Pra Covidi ishte e mira dhe babai jot i keqi”- shkruhej në postimin e Conor Mcgregor. I gjithë publiku reagoi mjaft negativisht ndaj kësaj përgjigje me urrejte, duke ia vënë në dukje se e ka humbur totalisht./Elio Hajdari-Sport Ekspres/